Лавров: „Русија останува подготвена за преговори со западните земји за Украина“

ИСТАНБУЛ (АА) - Русија останува подготвена да влезе во преговори со западните партнери за Украина, изјави денес рускиот министер за надворешни работи Сергеј Лавров, јавува Агенција Анадолија (АА).

„Руското раководство, вклучително и претседателот Владимир Путин, останува подготвено за преговори за Украина“, рече Лавров во интервју за руска телевизија, пренесе државната новинска агенција ТАСС.

Москва „секогаш ќе биде подготвена да ги слушне предлозите на западните партнери за намалување на тензиите“, додаде Лавров.

„Подготвеноста на Русија, вклучително и на нејзиниот претседател, за преговори [за Украина], останува непроменета“, изјави Лавров.

Тој нагласи дека разговорите ќе бидат возможни доколку на Москва ѝ се пристапи со „реални предлози засновани на принципите на еднаквост и почитување на меѓусебните интереси, и насочени кон изнаоѓање компромиси и балансирање на интересите на сите земји“.

Во понеделникот, Канцеларијата на Високиот комесаријат за човекови права на Обединетите нации (OHCHR) соопшти дека во војната во Украина досега се регистрирани 6.374 цивилни жртви и 9.776 повредени.