Канада: Во судир на автобус со хокеј-играчи и камион загинаа 14 лица

АНКАРА (АА) - Најмалку 14 лица загинаа поради судир на автобус и камион во Канада, јавува Anadolu Agency (AA).

Локалните медиуми известуваат дека во автобусот се наоѓале членовите на хокејскиот тим „Humboldt Broncos“ од Тисдејл.

Во автобусот имало 28 лица. Загинаа 14, а беа хоспитализирани уште толку. Три лица се во тешка здравствена состојба.

Канадскиот премиер Џастин Трудо на социјалната мрежа Твитер изрази сочувство до семејствата на загинатите, а на повредените им посака брзо закрепнување.

„Не можам да замислам што преживуваат вашите семејства. Моето срце е со сите оние кои се погодени од оваа страшна трагедија“, напиша Трудо.