Казахстан: Наредниот круг преговори за Сирија на Процесот од Астана за Сирија предвиден за 21 и 22 декември

НУР СУЛТАН (АА) - Седумнаесеттиот круг преговори на Процесот од Астана, започнати во 2017 година со поддршка на Турција, Русија и Иран, а со цел пронаоѓање на решението за сириската криза, ќе биде одржан на 21 и 22 декември во Нур Султан, Казахстан, јавува Агенција Анадолија (АА).

Портпаролот на Министерството за надворешни работи на Казахстан, Ајбек Смадијаров, за АА изјави дека е познат датумот на одржување на 17. круг преговори во рамките на Процесот од Астана за Сирија.

Смадијаров изјави дека преговорите ќе бидат одржани на 21 и 22 декември во Нур Султан, Казахстан, и дека е одобрено присуството на сите вклучени страни, вклучувајќи ги земјите гаранти.

Шеснаесеттиот круг преговори за Сирија се одржа на 7 и 8 јули во Нур Султан. За време на разговорите се разговараше за актуелната ситуација во Сирија, испораката на хуманитарна помош, продолжувањето на работата на Сириската уставна комисија, размената на затвореници, ослободувањето на заложниците и потрагата по исчезнатите.