Giovanni Legorano
30 Мај 2023•Ажурирај: 02 Јуни 2023
РИМ (АА) - Италијанската полиција приведе малолетно лице обвинето дека е дел од транснационална група млади што ја поддржуваат терористичката група ДАЕШ, пренесува Анадолу.
Полицијата соопшти дека пронашла докази дека тој бил подготвен да организира подметнување пожар во областа Бергамо, во Северна Италија, каде што живее.
Се вели дека момчето, кое има италијанско државјанство, но со странски корени, било дел од група млади од други делови на Европа и Америка, од кои многумина биле приведени во последните недели.
Полицијата почнала да го следи италијанскиот малолетник откако покажал знаци на брза радикализација на социјалните мрежи, каде што објавувал видеа од пропагандата на ДАЕШ.
Откриено е дека тој поседува книги за оружје и објаснува како да се прават бомби, како и видеа на кои се прикажани егзекуции на ДАЕШ, кои ги објавил на интернет, повикувајќи ги другите млади луѓе да преземат насилни акции.
