Италија: Вулканот Етна исфрла пепел и лава

РИМ (АА) - Етна, еден од активните вулкани на југот на Италија, исфрла пепел и лава, известува Анадолу.

Според информациите до кои дојде дописникот на АА од локални извори, вулканската активност на вулканот Етна, висок приближно 3.300 метри, што започна синоќа од југоисточниот кратер, еден од активните кратери на вулканот, продолжи и оваа вечер.

Според информациите објавени во италијанскиот печат и врз основа на Одделот на Италијанскиот национален институт за геофизика и вулканологија (ИНГВ) во Катанија, вулканот силно исфрла пепел и лава, а облак од пепел се распрснува кон исток.

Одделот на ИНГВ во Катанија утрово издаде специјално црвено предупредување за авионите учесници во воздушниот сообраќај во регионот поради интензитетот на вулканските активности. Заедно со оваа информација објавен е и податокот дека аеродромот Фонтанароса во Катанија не е затворен за летови.

Активноста на исфрлање пепел од Етна, што започна синоќа, се намали во попладневните часови, а со тоа се намали и предупредувањето за авионите.

На островот Сицилија, на планината Етна, која е највисокиот активен вулкан во континентална Европа, вулканските активности, како исфрлање пепел и лава и излевање на лава, по летните месеци во 2024 година, за последен пат се регистрирани во февруари оваа година.