Ahmet Dursun
01 Јули 2022•Ажурирај: 01 Јули 2022
АНКАРА (АА) - Иранскиот министер за надворешни работи, Хосеин Амир-Абдолахијан, изјави дека се подготвени да дадат придонес во договорот за безбеден коридор за испорака на жито што би се формирал на Црното Море, јавува Агенција Анадолија (АА).
Во соопштението на Министерството за надворешни работи на Иран се наведува дека Абдолахијан и неговиот колега Димитро Кулеба имале телефонски разговор за билатералните односи и меѓународни случувања.
Абдолахијан во таа пригода го повтори ставот на својата земја против војната во Украина и неопходноста од избегнување на воените судири.
Додаде дека Иран е подготвен да придонесе за дипломатско решение за ставање крај на војната во Украина.
„Со привлекување внимание на причините за кризата, ние од самиот почеток изјавувавме дека сме против војната и дека војната не ја гледаме како соодветен метод за решаваше на проблемите“, рече Абдолахијан.
Истакна дека односите помеѓу Иран и Украина секогаш се одржуваат во духот на пријателството, почитувањето, обостраните интереси и соработка.
„Подготвени сме да придонесеме кон договорот за отворање на коридорот за транспорт на житарици во Црното Море“, рече тој.
Украинскиот министер за надворешни работи, Кулеба, му се заблагодари на Иран за противење кон војната против неговата држава и истакна дека украинската Влада е подготвена да прими секаков вид помош и политичка поддршка за ставање крај на војната.
Кулеба, исто така, рече дека се подготвени за проширување на билатералните односи со Иран, вклучително и прашањето на земјоделството и житото.
За да се спречи војната помеѓу најголемите светски произведувачи на жито, Русија и Украина, да се претвори во прехранбена криза, планирано е милиони тони жито од тој регион да се транспортираат на светскиот пазар со учество на Обединетите нации, Русија, Украина и Туркије. Според планот кој сѐ уште е во фаза на изработка, житото би се транспортирало на светските пазари преку Црното Море.
