Иран обвини француски турист за шпионажа

ТЕХЕРАН (АА) - Иран обвини француски турист за шпионирање и ширење пропаганда против државата, изјави денес адвокатот на туристот, пренесува Агенција Анадолија (АА).

Иранската новинска агенција за човекови права го цитираше адвокатот Саиед Дехган дека неговиот клиент Бенјамин Бриер бил обвинет вчера за шпионажа и пропаганда против Исламската Република.

Деган исто така изјави дека Бриер десет месеци се наоѓа во затворот „Вакилабад“ во градот Машад, во североисточниот дел на Иран.

„Бриер е во контакт со француската Амбасада и му се пружа француска конзуларна заштита“, додаде адвокатот.

Техеран наведува дека Бриер фотографирал забрането подрачје на границите на Туркменистан и Иран и го критикувал хиџабот, марамата која во Иран е задолжителна за разлика од многу други исламски земји.