Ирак: Во бомбашки напад на ДЕАШ ранети четворица цивили

ДИЈАЛА

Во бомбашки напад на терористичката организација ДЕАШ во подрачјето на ирачката покраина Дијала ранети се четворица цивили, јавува Агенција Анадолија (АА).

Капетанот од полициската управа Дијала, Хабиб ес Шамари, изјави за АА дека терористите со далечински управувач активирале експлозивна направа, претходно поставена на патот.

Тој потврди дека во експлозијата се ранети четворица цивили, додавајќи дека е во тек операција за откривање и фаќање на сторителите.

Ирак е средиште на повеќедецинска длабока политичка и безбедносна криза, а од почетокот на октомври во тек се и антивладините протести на кои демонстрантите бараат оставка од премиерот Адел Абдул Махди.