Индија: Авион влегол во зона на турбуленции, повредени 17 патници

АНКАРА (АА) - Повредени се 17 патници откако авион „Боинг 737“ влезе во зоната на турбуленции во Индија, известува Агенција Анадолија (АА).

„Би-би-си“ објави дека настанот се случил на 1 мај, а снимките биле неодамна презентирани.

„Боингот 737“ на компанијата „СпајсЏет“ летал од Мумбаи до Дургапур.

Авионот, во кој имало 200 патници и членови на екипажот, за време на слетувањето влегол во зоната на турбуленции. Турбуленциите што траеле 17 минути предизвикале паника и страв кај патниците.

Повредени се 17 лица кои не користеле појаси.