Израелскиот претседател в недела ќе го додели мандатот за формирање нова влада

ЕРУСАЛИМ (АА) - Израелскиот претседател Исак Херцог соопшти дека в недела ќе назначи член на Кнесетот (израелскиот Парламент) да ја формира новата Влада, јавува Агенција Анадолија (АА).

Изјавата на Херцог дојде пред тридневните консултации со претставниците на политичките партии гласани за Кнесетот, пред да го додели мандатот за формирање влада врз основа на нивните препораки.

„Со благодарност ги примив официјалните резултати од изборите за 25. Состав на Кнесетот од претседателот на Изборната комисија, судијата Јицак Амит, и сега ќе продолжам со исполнување на задачата што ми ја налага законот“, напиша Херцог на Твитер.

„Ќе ги завршам консултациите до петок и в недела ќе задолжам поединец за формирање влада“, додаде тој.

Поранешниот премиер Бенјамин Нетанјаху и неговиот десничарски блок обезбедија целосно мнозинство во 120-члениот Кнесет, што му овозможи да формира влада.

Таборот на Нетанјаху освои 64 места во Кнесетот, додека таборот на актуелниот премиер Јаир Лапид освои 51 место.