Израелската војска уапси 14 Палестинци на Западниот Брег и во Појасот Газа

ЕРУСАЛИМ (АА) - Израелските војници уапсија 14 Палестинци на Западниот Брег и во Појасот Газа, пренесува Anadolu Agency (AA).

Војската соопшти дека израелските сили уапсиле 9 лица на Западниот Брег поради „сомневање дека се вмешани во терористички активности“, без дополнителни детали за природата на овие активности.

Локалните жители истакнаа дека 5 лица биле уапсени во израелски рации во градот Витлеем, а 4 во Хеброн.

Израелската војска често спроведува опсежни кампањи за апсење низ окупираниот Западен Брег под изговор за потрага по „барани“ Палестинци.

Во меѓувреме, израелската армија соопшти дека во близина на јужната граница со Газа притворила петмина Палестинци.

Во соопштението се вели дека лицата биле невооружени и биле притворени за испрашување.

Според палестински податоци, околу 6.400 Палестинци се наоѓаат во израелските затвори, вклучувајќи и голем број жени и стотици малолетници.