Израелската армија уби 23 Палестинци во Газа во последните 24 часа, вкупно 41.825 од 7 октомври

ГАЗА (АА) - Во нападите на израелската армија врз појасот Газа во последните 24 часа, убиени се 23 лица, а 66 се повредени, известува Анадолу.

Министерството за здравство во Газа објави информации за нападите на Израел врз Појасот Газа веќе 364 дена.

Во соопштението се наведува дека во 3 масакри што израелската армија ги изврши во појасот Газа во последните 24 часа убиени се 23 лица, а 66 се повредени.

Бројот на убиени во нападите на Израел врз Појасот Газа од 7 октомври 2023 година досега се зголеми на 41.825, додека бројот на повредени изнесува 96.910.