Mehmet Nuri Uçar
05 Октомври 2025•Ажурирај: 06 Октомври 2025
ИСТАНБУЛ (АА) - И покрај повикот на американскиот претседател Доналд Трамп „веднаш запрете ги нападите“, израелската армија продолжува со интензивното бомбардирање на различни делови од Појасот Газа, известува Анадолу.
Локални извори информираат дека во нападите на Израел во текот на ноќта повредени се голем број Палестинци, а цел бил Универзитетот Ал-Азхар во Газа.
Интензивното бомбардирање на Универзитетот Ал-Азхар целосно ги урнало зградите на неговиот кампус, правејќи ги неупотребливи.
Израелски воени авиони ги бомбардираа шаторите на раселените Палестинци во областа Асда, северно од Хан Јунис, во јужниот дел на Појасот Газа. Повредени се голем број Палестинци во нападот.
Израелските артилериски единици од оклопни возила позиционирани во источниот дел на Долината Газа ги гранатирале местата на кои Палестинците чекале хуманитарна помош. Бројни луѓе беа повредени во нападот.
Во градот Газа, израелските воени авиони извршија неколку последователни напади врз населбите Сабра, Џала и Саласин. Повредени се многу Палестинци и предизвикана е голема штета во околината.
Израелските авиони, исто така, го нападнаа и кампот Мегази во централниот дел на Појасот Газа. Нападот резултираше со повредени Палестинци и оштетување на живеалиштата.
Најмалку 67.074 Палестинци се убиени, а 169.430 се повредени во израелските напади врз Појасот Газа од 7 октомври 2023 година.
