Израел: Пред суд изведени четворица Палестинци кои избегале од затвор

НАЗАРЕТ

Пред суд во северниот дел на Израел изведени се четворица палестински затвореници кои избегале од затворот „Гилбоа“, објавија извори од правосудството, пренесува Агенција Анадолија (АА).

Затворениците се одведени во провинцијата Назарет под силно обезбедување.

Пред судското рочиште зад затворени врати, група Палестинци извикуваа слогани за ослободување на затворениците.

Палестинците одделно се изведени пред судијата.

„Четворица од шесте палестински затвореници што неодамна избегаа од строго чуваниот затвор, фатени се вчера“, соопшти израелската полиција.

Двајца се пронајдени на паркинг во утринските часови, додека уште двајца се фатени во близина на градот Назарет.

Големата потрага започна во понеделникот, откако затворениците избегаа од затворот „Гилбоа“ во северниот дел на Израел. Ова е прво бегство на Палестинци од затвор во последните 20 години.