Израел потпиша договор за изградба на амбасада во Мароко

РАБАТ (АА) - Израел соопшти дека потпишал договор за изградба на седиштето на израелската Амбасада во Мароко, пренесува Агенција Анадолија (АА).

„Со задоволство ја споделувам оваа фотографија од овој историски момент од потпишувањето на договорот за основање постојана амбасада во Мароко“, вели израелскиот амбасадор Дејвид Говрин на Твитер.

Израелскиот дипломат рече дека потегот го најавува почетокот на новата ера во односите на Израел со Мароко.

Нема коментар од властите на Мароко за ова прашање.

Мароко беше четвртата арапска земја што ги нормализираше односите со Израел во 2020 година по Обединетите Арапски Емирати, Бахреин и Судан, со потег опишан од Палестинците како „нож во грб“.