Израел планира изградба на нова еврејска населба во Ерусалим

ЕРУСАЛИМ (АА) - „Израелските власти планираат изградба на нова еврејска населба во окупираниот Источен Ерусалим“, објавуваат израелските медиуми денес, пренесува Anadolu Agency (AA).

Повикувајќи се на изјавите на официјалните општински претставници, весникот „Израел хајом“ („Israel Hayom“) јави дека утре тие ќе се состанат за да дискутираат за планот за изградба на 75 нови станбени објекти во квартот Беит Ханина.

Прелиминарниот план предвидува изградба на осум блокови со седум до 12 ката. Населбата ќе се простира на површина од 11 квадратни километри.

Во истиот источноерусалимски кварт во 1967 година Израел ги изгради населбите Писгат Зеев и Неве Јааков.

Според палестинските набљудувачи, Израел го зголеми темпото на градењето населби во Источен Ерусалим (Кудс) откако американскиот претседател Доналд Трамп официјално го призна Ерусалим како главен град на Израел, минатата година.