Израел нареди евакуација на 25 града во Јужен Либан

АЛ КУДС (ЕРУСАЛИМ) - Израелската армија денес издаде итна наредба за евакуација на жителите на 25 града во Јужен Либан поради воздушните напади врз земјата, известува Анадолу.

Портпаролот на армијата, Авичај Адраи, ги повика жителите на целните градови да ги напуштат домовите и да се преселат северно од реката Авали.

На списокот на градови што треба да се евакуираат се: Борголије, Касмије, Наби Касим, Ал-Матаријах, Харајеб, Мазраат Каутариет Ел Рез, Ансар, Баблије, Деир Такла, Адлун и Ансарија.

На списокот се наоѓаат и градовите: Меруанија, Зефта, Бфаруех, Хабух, Набатие, Сеџуд, Џбаа, Аанкун, Бнафул, Кенарит, Зеита, Арнаја, Мазрат Матаријат Џба и Танбурит.

Адраи истакна дека израелската армија ќе им дозволи на жителите на овие градови да се вратат „кога тоа ќе го дозволат соодветните услови“.

Израелската војска издаде неколку наредби за евакуација на десетици градови во Јужен Либан, а Тел Авив продолжува да спроведува воздушни и копнени напади врз тоа подрачје.

На 23 септември Израел започна да извршува воздушни напади врз Либан, наводно целејќи го Хезболах. Во овие напади убиени се најмалку 1.488 луѓе, а беа повредени повеќе од 4.297. Повеќе од 1,34 милиони луѓе се раселени.