АНКАРА (АА) - Израелската Армија денес започна широк и интензивен воздушен напад, насочен кон шумите во Али ал-Тахер и висорамнините Кфар Тебнит и Набатија ал-Фука во јужен Либан, јавува Анадолу.

Либанската национална новинска агенција ННА објави дека во нападите биле употребени ракети кои предизвикале масивни експлозии што се слушнале низ целиот регион.

За помалку од 10 минути, непријателските авиони го обновија своето тешко бомбардирање врз истата област, додаде ННА.

Во меѓувреме, израелската Армија соопшти дека извршила воздушен напад врз локација на Хезболах лоцирана на планината Шкиф во јужен Либан.

Според Армијата, нападот бил насочен кон локацијата под изговор спречување на нејзината реконструкција.

Израелските сили спроведуваат речиси секојдневни напади во јужниот дел на Либан, тврдејќи дека целта им се активностите на либанската група Хезболах и покрај прекинот на огнот меѓу Израел и Либан што беше постигнат минатиот ноември. Примирјето стави крај на прекуграничната војна што трае со месеци меѓу Израел и Хезболах, која ескалираше во целосен конфликт во септември.