ИСТАНБУЛ (АА) - Американската Влада проценува дека околу 75 лица биле убиени за време на воената акција во која беше приведен венецуелскиот претседател Николас Мадуро во Каракас, според „Вашингтон пост“, кој се повикува на официјални лица запознаени со ова прашање, пренесува Анадолу.

Официјален претставник изјави дека проценките укажуваат дека во операцијата се убиени помеѓу 75 и 80 лица, додека друг ја проценува бројката на минимум 67, изјавија за весникот официјални претставници, кои сакаа да останат анонимни.

Се наведува дека жртвите се членови на венецуелските и кубанските безбедносни сили, како и цивили заробени во борбите.

Претходните извештаи на „Њујорк тајмс“ посочија дека бројот на жртви од американската воена операција во саботата се искачил на 80, повикувајќи се на висок венецуелски официјален претставник и нагласија дека бројката би можела да расте уште повеќе.

На 3 јануари, американските специјални сили го приведоа венецуелскиот претседател Николас Мадуро во ноќна акција во Каракас, беше приведен од САД за време на воздушните напади врз воени цели.

Операцијата, овластена од претседателот Доналд Трамп, произлезе од долгогодишни федерални обвиненија во кои Мадуро се товари за наркотероризам, трговија со дрога и корупција.

Мадуро на 5 јануари се појави пред федералниот суд во Њујорк во лисици и портокалов комбинезон, каде што се изјасни за невин по обвиненијата.