И покрај меѓународниот притисок, Нетанјаху нареди продолжување на нападите врз Појасот Газа

АЛ-КУДС (АА) – Израелскиот премиер Бенјамин Нетанјаху изјави дека ќе се продолжи со нападите врз Појасот Газа и покрај меѓународниот притисок, јавува Анадолу.

Прес-службата на израелската Влада соопшти дека Нетанјаху го посетил воениот штаб на југот на Израел и телефонски разговарал со воените претставници за продолжување на нападите врз блокираниот Појас Газа.

„Само напред. Сакам да продолжите до последниот војник. Ќе продолжиме до крај, до победа, додека не го уништиме Хамас“, му рекол Нетанјаху на еден од воените челници на Израел.

Нетанјаху нагласи дека овие зборови ги кажал „и покрај меѓународниот притисок“ и порача дека ништо нема да го запре Израел.

„Ништо нема да нѐ запре. Оваа војна ќе продолжи“, порача Нетанјаху.

Изјавите на израелскиот премиер уследија по зголемениот меѓународен притисок врз администрацијата на Тел Авив поради жестоките напади на Појасот Газа.