Земјотрес со јачина од 6,9 степени ја потресе источна Индонезија

ЏАКАРТА (АА) - Земјотрес со јачина од 6,9 степени го погоди островот Сумбава, дел од покраината Западна Нуса Тенгара, пренесува Anadolu Agency (AA).

Освен на Сумбава, потреси се почувствуваа и во неколку градови, вклучувајќи ги и Матарам, Бима и Ваингапу.

„Земјотресот е регистриран југозападно од Сумбава во 13:39 часот по локално време“, соопшти индонезиската Агенција за метеорологија, климатологија и геофизика (BMKG).

Според Агенцијата, епицентарот на потресот бил на 884 километри југозападно од Сумбава, на длабочина од 10 километри.

Нема непосредни извештаи за жртви или за голема материјална штета.

Агенцијата не издаде предупредување за цунами.