Земјотрес со интензитет од 6 степени го потресе Мјанмар

КУАЛА ЛУМПУР

Земјотрес со интензитет од 6 степени го потресе подрачјето на Мјанмар кое се наоѓа на границата со Бангладеш, известува Агенција Анадолија (АА).

Американскиот Институт за геолошки испитувања (USGS) објави дека епицентарот на земјотресот со интензитет од 6 степени се случил на 19 километри северозападно од Хака, главниот град на државата Чин, кој се наоѓа во близина на границата на земјата со Бангладеш.

Земјотресот е регистриран на длабочина од 32,8 километри, а почувствуван е и во соседен Бангладеш.

Според првичните информации, во земјотресот нема човечки жртви и не е причинета материјална штета.