Сирискиот претседател Шара се сретна со сириската заедница во САД на почетокот на посетата на ОН

Сирискиот претседател Ахмeд ал-Шара денес се сретна со припадници на сириската заедница во САД, на почетокот на неговата посета на Њујорк за учество на 81-то заседание на Генералното собрание на ОН, соопшти Претседателскиот кабинет, јавува Анадолу.

На средбата присуствуваа министерот за надворешни работи Асад ал-Шejбани, министерот за управување со вонредни состојби и катастрофи Раед ал-Салех и неколку други претставници.

За време на средбата, Шара ги разгледа најновите случувања во Сирија, постигнувањата во изминатиот период, како и процесот на обнова и закрепнување на земјата. Тој исто така ги сослуша мислењата и предлозите на присутните за низа прашања.

Шара ја истакна важната улога на сириската заедница во САД во зајакнувањето и унапредувањето на односите меѓу Дамаск и Вашингтон.

Тој исто така ја нагласи важноста од искористување на експертизата и вештините на Сиријците кои живеат во странство и нивниот придонес во напорите за обнова на Сирија.

Средбата се одржа откако Шара вчера ја започна посетата на Њујорк за учество на 81-то заседание на Генералното собрание на ОН.

Ова е второ последователно учество на Ал Шара на Генералното собрание на ОН. Во септември 2025 година, тој учествуваше на 80-то заседание и стана првиот сириски претседател кој присуствувал на собирот по 1967 година.