Земјите на ЕУ и Северна Африка ветија посилна соработка против нелегалните миграции во Средоземното море

МАДРИД

Десет земји на Европската унија и северниот дел на Африка, се согласни по прашањето за интензивирање на соработка во борбата против нелегалните миграции во Средоземното море, јавува Агенција Анадолија (АА).

Министрите за внатрешни работи на Шпанија, Италија, Франција, Германија, Малта, Мароко, Либија, Алжир, Тунис и Мавританија онлајн се состанаа со комесарката на ЕУ за внатрешните работи, Илва Јохансон и комесарот за соседство и проширување, Оливер Вархели.

Состанокот е организиран на иницијатива на Италија, а разговарано е за борбата против нелегалните миграции во Средоземното море. Договорено е јакнење на взаемната соработка.

Во соопштението што го објави ЕУ се укажува на потребата за спасување на животите во Средоземното море, борбата против нелегалните миграции, соработката со полициските сили во земјите на Северна Африка и одлучноста во борбата против криминалните групи.

Во исто време, земјите учеснички го поддржаа процесот на заедничка соработка што во моментот се води против криминални групи кои организираат нерегулирани миграција, кој ќе продолжи и во иднина, од правен и безбедносен аспект.

Десетте земји ветија дека ќе ги зајакнат активностите на организации како што се АФРИПОЛ, ФРОНТЕКС и ЕВРОПОЛ и се согласија да го зајакнат финансирањето на организациите во борбата против нередовната миграција.