Зеленски пристигна во Париз на разговори со Макрон

ИСТАНБУЛ (АА) - Украинскиот претседател Владимир Зеленски пристигна денес во Париз на разговори со францускиот претседател Емануел Макрон, пренесува Анадолу.

„Претседателот е веќе во Париз“, изјави за новинарите портпаролот на претседателот, Сергеј Никифоров, според украинските медиуми, меѓу кои и државната новинска агенција Укринформ.

Никифоров рече дека програмата на Зеленски вклучува и средба со студенти.

Елисејската палата за францускиот радиодифузер БМФТВ изјави дека Макрон денес ќе го пречека Зеленски.

„Двајцата лидери ќе разговараат за моменталната ситуација, поддршката на Франција и нејзините европски партнери во помагањето на Украина да се одбрани и начините за зголемување на притисокот врз Русија, особено преку борба против нејзината „флота во сенка“, се вели во извештајот.

„Укринформ“ подоцна објави дека Зеленски пристигнал во Елисејската палата, каде што тој и Макрон треба да одржат заедничка прес-конференција и работен ручек по состанокот.