Muhammed Sabry
31 Октомври 2023•Ажурирај: 01 Ноември 2023
АНКАРА (АА) - Уште двајца Палестинци загинаа од истрели на израелската војска на Западниот Брег, со што бројот на загинати на окупираната територија од почетокот на актуелниот конфликт се зголеми на 124, соопшти денес Министерството за здравство, јавува Анадолу.
Во соопштението на Министерството се вели дека 14-годишно момче им подлегнало на повредите со кои се здобило од израелските истрели во градот Наблус еден ден претходно.
Еден постар Палестинец, исто така, загина истрели на израелската војска во Тубас, на североисточниот дел на Западен Брег, соопшти Министерството.
Зголемени се тензиите во Западниот Брег во време на интензивно израелско бомбардирање на блокираниот Појас Газа.
Според палестинските податоци, најмалку 124 Палестинци се убиени, а 1.680 се приведени на Западниот Брег од страна на израелската армија од 7 октомври.
Израелската војска ги прошири своите воздушни и копнени напади врз Појасот Газа, кој е под немилосрдно бомбардирање по ненадејниот напад на Хамас врз Израел на 7 октомври.
Во конфликтот загинаа повеќе од 9.800 луѓе, меѓу кои 8.306 Палестинци и повеќе од 1.538 Израелци.
