ЕУ: Околу 3,5 милијарди евра поддршка на земјите членки кои примија украински бегалци

БРИСЕЛ (АА) - Комисијата на Европската Унија (ЕУ) исплати 3,5 милијарди евра поддршка на земјите членки кои примија украински бегалци, јавува Агенција Анадолија (АА).

Од Европската комисија е наведено дека финансиската помош е издвоена од буџетот на ЕУ за интеграција на бегалците во Европа.

Финансиската помош е обезбедена за помош на украинските бегалци во обезбедувањето храна, сместување, здравствена заштита, образование и вработување.

Досега најголемиот дел е исплатен на Полска - 562 милиони евра.

Следуваат Италија со 452 милиони евра, Романија со 450 милиони, Шпанија со 434 милиони, Унгарија со 299 милиони, Чешка со 283 милиони и Словачка со 209 милиони евра.