Европските десничарски партии на собир во Мадрид под слоганот „Да ја направиме Европа повторно голема“

Патриотите за Европа, политичка група која вклучува бројни десничарски, популистички и партии на крајната десница од различни земји на Европската Унија (ЕУ), се собраа во Мадрид за да разговараат за реализирање на мотото „Да ја направиме Европа повторно голема“, јавува Анадолу

Домаќин на самитот е лидерот на шпанската партија од крајната десница Вокс, Сантијаго Абаскал, кој беше избран за лидер на Патриоти за Европа во ноември во Париз.

Партијата соопшти дека целта на самитот е дискутирање и развивање на алтернативни стратегии против групите на централнодесничарската Европска народна партија (ЕПП), социјалдемократската Прогресивна алијанса на социјалистите и демократите во Европскиот парламент.

Партијата Вокс и конститутивните партии, исто така, нагласија дека сакаат „Да ја направиме Европа повторно голема“ по стапките на американскиот претседател Доналд Трамп, кој го направи слоганот „Да ја направиме Америка повторно голема“ клучен дел од неговите претседателски кампањи.

Со 86 места, Патриоти за Европа е третата по големина група во Европскиот парламент.

Таа се состои од партии од 13 различни земји на ЕУ, како владејачката партија во Унгарија, Христијанско-демократската народна партија; партијата Лега од Италија; Слободарската партија на Австрија и Национален собир од Франција.