Доколку е во добра здравствена состојба, Бајден во 2024 повторно ќе се кандидира за претседател на САД

ВАШИНГТОН (АА) – Aмериканскиот претседател Џо Бајден изјави дека доколку неговото здравје е добро, како што е сега, повторно ќе се кандидира за претседател на Соединетите Американски Држави (САД), пренесува Агенција Анадолија (АА).

Во интервју за телевизискиот канал „ABC“ на прашањето дали размислува за реизбор одговори: „Јас сум личност која има најголема почит кон судбината. Судбината се манифестираше многупати во мојот живот. Доколку тогаш моето здравје е добро како, што е сега, повторно ќе бидам кандидат“.

На прашањето на водителот Дејвид Моир дали сака повторно да влезе во изборна трка со поранешниот американски претседател Доналд Трамп, Бајден рече: „Зошто да не се натпреварувам против Трамп ако тој повторно се кандидира. Ова ќе ги зголеми очекувањата од изборната трка.“

Белата куќа претходно соопшти дека Бајден, кој во 2024 година ќе има 81 година, има намера повторно да се кандидира за претседател.