Две лица ранети во пукање за време на пречекот на НФЛ шампионите во Филаделфија

ФИЛАДЕЛФИЈА (АА) - Парада и прослава се одржа вчера во Филаделфија на која навивачите го пречекаа рагби тимот на Филаделфија Иглс, новиот шампион на НФЛ. Сепак, парадата не помина без инциденти. Полицијата на Филаделфија информираше дека во престрелката се ранети две лица, пренесува Анадолу.

„Две жени се застрелани долж булеварот ‘Бенџамин Френклин’ во Филаделфија вчера додека толпата била собрана на победничката Супербол парада“, соопшти полицијата.

Оттаму информираат дека ранетите жени биле згрижени во медицински шатор. 27-годишната жена била застрелана во левата нога, а 20-годишната во горниот дел од левата надколеница. Се истакнува дека и двете жени се надвор од животна опасност.

„Засега не е јасно што довело до пукањето, но се чини дека никој од толпата не ги слушнал истрелите“, соопшти полицијата, додавајќи дека истрагата е во тек.

Инаку, парадата и прославата привлекоа илјадници луѓе, кои дојдоа да ги поздрават Џејлен Хртс и останатите од тимот на Филаделфија Иглс, кои на франшизата ѝ ја донесоа втората шампионска титула во НФЛ.

Иглс во финалето на 59. издание на ХФЛ Супербол го победија Канзас Сити Чифс со 40:22, што се одигра на 10 февруари во Њу Орлеанс. За МВП беше прогласен Хртс, бекот на победничката екипа.