Гувернерот на Бејрут: „Штетата предизвикана од експлозијата во пристаништето чини меѓу 3-5 милијарди долари"

БЕЈРУТ

Гувернерот на Бејрут, Мерван Абдуд, изјави дека штетата од експлозијата во пристаништето во тој либански град изнесува меѓу три и пет милијарди долари, пренесува Агенција Анадолија (АА).

Зборувајќи за либанската новинска агенција NNA, Абдуд прв пат зборуваше за материјалната штета по големата експлозија наведувајќи дека таа се движи меѓу три и пет милијарди долари.

NNA наведе дека пред експлозијата дошло до пожар во едно од складиштата за експлозивни материјали во бејрутското пристаниште.

Претходно, шефот на полицијата на Либан, Абас Ибрахим изјави дека експлозијата се случила во складиште во кое се наоѓало претходно запленет експлозив.

Експлозијата се случи вчера во пристаништето на Бејрут. Како известија медиумите во едно од складиштата најпрво избил пожар, а потоа следувала експлозијата која се слушна и во предградијата. На социјалните мрежи се објавени видео-снимки на кои може да се види дека се работи за силна експлозија.

Според најновите податоци кои ги објави Црвениот крст на Либан во експлозиајта загинаа најмалку 100, а повредени се 4.000 лица.