Германската министерка Фезер: „Најголемата закана за нашето општество е десничарскиот екстремизам“

БЕРЛИН

Германската министерка за внатрешни работи, Ненси Фезер, истакна дека десничарскиот екстремизам е најголемата закана за демократијата и плуралистичкото општество во земјата, пренесува Агенција Анадолија (АА).

Фезер, на состанокот организиран од Германското здружение за државни служби (DBB), наведе дека нејзина должност како министер за внатрешни работи е да се спротивстави на секаков вид екстремизам.

„Но, во моментов најголемата закана за нашата демократија, отвореното и плуралистичко општество е десничарскиот екстремизам“, нагласи Фезер, додавајќи дека никој не треба да ја занемарува оваа закана.

Наведувајќи дека што побргу ќе ги отстранат „непријателите на Уставот“ од јавните функции, Фезер рече дека за оние што не се цврсто посветени на Уставот нема место во владините канцеларии.

Посочувајќи дека има впечаток дека разрешувањето на овие лица често трае долго, Фезер истакна дека во државата треба да се утврдат рамковни услови за побрзо и поодлучно дејствување во однос на ова прашање.