Германската министерка за надворешни работи: „Лажен мир“ во Украина нема да донесе трајна безбедност

БЕРЛИН (АА) – Германија денес изрази сериозна загриженост поради директните разговори меѓу американскиот претседател Доналд Трамп и рускиот претседател Владимир Путин за мировните преговори за Украина, што се одржале без претходна координација со европските сојузници, јавува Анадолу.

„Со лажен мир нема да се добие ништо – особено без консултација со шефовите на Украина и Европа“, изјави германската министерка за надворешни работи Аналена Бербок.

„Лажен мир нема да донесе трајна безбедност, ниту за народот на Украина, ниту за нас во Европа или во САД“, предупреди таа.

Таа ги даде овие изјави само неколку часа пред официјалното отворање на Минхенската безбедносна конференција, каде што се собраа политичките лидери, министрите за одбрана и министрите за надворешни работи од над 60 земји за да дискутираат за глобалните безбедносни прашања.

Баербок истакна дека европските министри ќе координираат заедничка политика за Украина и идните односи со САД за време на билатералните и мултилатералните средби на маргините на конференцијата.

„Мирот ќе дојде само преку сила. Тоа бара цврсти и долгорочни безбедносни гаранции за Украина, силно НАТО и напредок во пристапните преговори на Украина со ЕУ“, рече таа.

„Како Европејци, како Германци, цврсто стоиме на страната на Украина – со воена, хуманитарна и финансиска поддршка“, додаде Баербок.