Германија: Приведено лице за кое се тврди дека извршило воени злосторства во редовите на режимот на Асад

БЕРЛИН (АА) - Муафак ал Д., сириски државјанин, бил приведен во Германија со тврдење дека напаѓал цивили и извршил воени злосторства додека бил во редовите на режимот на Асад во Сирија, пренесува Агенција Анадолија (АА).

Федералното обвинителство на Германија соопшти дека Муафак ал Д. е обвинет за фрлање рачни бомби врз цивилите кои земале пакети со помош што Обединетите нации (ОН) им ги доделуваше на палестинските бегалци во 2014 година и дека предизвикал смрт на 7 лица.

Исто така, наведено е дека Муафак ал Д., кој е член на Движењето за слободна Палестина, познат по својата блискост со режимот на Асад, ќе биде изведен пред судија. ​​​​​​​