Германија: Во напад со нож повредени 4 лица, од кои едно лице е во тешка состојба
- По нападот што се случи синоќа и за кој засега не се познати причините, полицијата привела лице за кое се сомнева дека е извршител на нападот.
КЕЛН
Во германскиот град Оберхаузен, кој се наоѓа во покраината Северна Рајна-Вестфалија, извршен е напад со нож во кој се повредени најмалку четири лица, од кои едно лице е потешко повредено, известува Агенција Анадолија (АА).
Според информациите што ги објавија локалните медиуми, по нападот што се случи синоќа и за кој засега не се познати причините, полицијата привела лице за кое се сомнева дека е извршител на нападот.
Германската полиција не даде официјална изјава во врска со настанот, а според вестите објавени во локалните медиуми, и лицето за кое постои сомневање дека е извршител на нападот, пренесено е во болница со повреди.
По инцидентот, со зголемување на безбедносните мерки во градот, полициско засилување е испратено и во градот Есен.