Rabia İclal Turan
21 Октомври 2022•Ажурирај: 22 Октомври 2022
ИСТАНБУЛ (АА) - Лидерите на ЕУ денеска се состануваат на вториот ден од разговорите во Брисел за да разговараат за мерките за справување со високите цени на енергијата, намалување на нивната зависност од Кина и руската војна против Украина, меѓу другите прашања, јавува Агенција Анадолија (АА).
Премиерката на Финска, Сана Марин, во изјава за новинарите пред состанокот изјави дека Русија ја користи енергијата како „оружје против Европа“.
На прашањето за односите на ЕУ со Кина, Марин одговори дека дискусијата не значи дека „не може да има никакви економски односи со Кина“.
„Но ние не треба да градиме таков вид стратешки, критични зависности од авторитарни земји. И мислам дека технологијата е клучна тука“, рече таа.
Летонскиот премиер Крисјанис Карин, од друга страна, рече дека на ЕУ ѝ треба „обединет пристап кон Кина“.
„Она што е важно за нас е да разговараме со Кина и во однос на руската агресивна војна против Украина да се погрижиме Кина да е на вистинската страна од историјата“, им рече тој на новинарите.
На првиот ден од Самитот, лидерите дискутираа за начините за справување со енергетската криза во Европа. Тие, сепак, по повеќечасовната дебата не успеаја да постигнат договор дали да стават висока цена на природниот гас.
Петнаесет земји членки, вклучувајќи ги Франција, Италија, Шпанија и Белгија, бараат ограничување на цената на увезениот природен гас, но Германија, Холандија, Данска и некои други земји не ја поддржуваат оваа идеја.
Земјите кои се против ограничувањето на цената велат дека тоа ќе ја загрози безбедноста на снабдувањето со енергија и може да му наштети на снабдувањето со природен гас, особено во зимските месеци.
