МОГАДИШУ (АА) - Од Командата на Американските сили во Африка (AFRICOM) соопштија дека за време на воздушниот напад извршен против терористичката организација Ал Шабаб во јужниот дел на Сомалија се убиени 10 припадници на оваа организација, пренесува Anadolu Agency (AA).

Во писменото соопштение на AFRICOM се вели дека во рамките на соработката за борба против тероризмот, во координација со Владата на Сомалија е извршен воздушен напад врз позиција на терористичката организација Ал Шабаб на 20 километри југозападно од Могадишу.

Според соопштението, 10 припадници на Ал Шабаб се убиени во овој напад.