Во текот на изминатите 362 дена во израелските напади врз Газа убиени се 41.689 луѓе

ИСТАНБУЛ (АА) – Во израелските напади врз Појасот Газа од 7 октомври минатата година убиени се најмалку 41.689 луѓе, а 96.625 се повредени, јавува Анадолу.

Министерството за здравство во Појасот Газа објави извештај за билансот на жртви од израелските напади што траат веќе 362 дена.

Во извештајот се наведува дека во изминатите 24 часа израелската војска извршила уште пет масакри во Појасот Газа во кои се убиени 51 лице, а 165 се повредени.

Исто така, се соопштува дека бројот на жртви во израелските копнени напади врз Кан Јунис се искачил на 51 убиено лице и 82 повредени.

Така, бројот на убиени Палестинци во Појасот Газа од почетокот на нападите се зголеми на 41.689, а бројот на повредени на 96.625.

Во извештајот се наведува дека голем број жртви сѐ уште се заробени под урнатините бидејќи спасувачките тимови не се во можност да спроведат акции за пребарување и спасување поради континуираните израелски напади.