Во тајфунот Доксури на Филипини загинаа 13 лица

ИСТАНБУЛ (АА) - Тајфунот Доксури усмрти најмалку 13 лица на Филипини пред да стигне до Јужна Кина денес, јавува Анадолу.

Според Националниот совет за намалување и управување со ризици од катастрофи на Филипини, 13 луѓе загинале, а околу 500.000 други биле погодени во оваа југоисточна азиска земја.

Околу 42.000 луѓе се раселени поради акутната временска ситуација создадена од силните ветрови и дождови донесени од тајфунот што, исто така, повреди 12 лица во земјата, објави весникот „Фил Стар“.

Во меѓувреме, тајфунот денес стигна во југозападна Кина.

Тајфунот донесе силни ветрови и силен дожд во провинцијата Фуџијан, кога пристигна до крајбрежните области на градот Џинџијанг, објави кинеската телевизија ЦГТН.

Ова е петти тајфун што ја погоди Кина оваа година и се очекува да се движи кон северозападните делови на земјата.