Во Русија е забележан рекорден број смртни случаи од последиците на Ковид-19

МОСКВА

Во Русија е забележан нов рекорден број смртни случаи во еден ден, а починаа 737 лица заразени со Ковид-19, јавува Агенција Анадолија (АА).

Вкупно во оваа земја од последиците на Ковид-19 починаа 139.316 лица.

Во изминатите 24 часа се забележани 23.378 нови случаи на заразување, при што вкупниот број на заразени во Русија изнесува повеќе од 5,65 милиони, а бројот на активни случаи во моментот изнесува 417.504.

Москва е најмногу погодено подрачје, а официјалните лица потврдија дека влошувањето на епидемиолошката ситуација е последица од ширењето на варијантата на коронавирусот Делта.

Во Русија, со цел запирање на ширењето на вирусот, се воведени повеќе мерки, меѓу останатото задолжителна изолација и ПЦР-тестови за лицата со симптоми слични на грип.

Истовремено, руските власти ги јакнат здравствените капацитети за пациентите со Ковид-19 за да ја спречат потенцијалната криза во здравствениот систем.