Во Нигерија се сруши авион: Загинаа шест војници

АБУЏА

Во нигерискиот главен град Абуџа се сруши авион во кој се наоѓаа војници, при што загинаа шест војници, јавува Агенција Анадолија (АА).

Според информациите до кои дојде АА, воениот авион кој полета од аеродромот „Намди Азикве" во Абуџа, се сруши во близина на аеродромот поради се уште непознати причини.

Како резултат на оваа несреќа, животот го загубиле 6 војници.

Противпожарните служби се упатија на местото на несреќата, кои продолжуваат со гасење на пожарот кој избувна поради несреќата.

„Воениот авион „Кинг ер" се сруши веднаш пред нашата писта во Абуџа. Изгледа смртоносно. Сите треба да останеме смирени и треба да го чекаме резултатот на истрагата на војската“, напиша на Твитер министерот за авијација на Нигерија, Хади Сирика.