ИСТАНБУЛ (АА) – Најмалку 460 лица се убиени, а 4.309 се повредени во иранската престолнина Техеран од почетокот на нападите на САД и Израел врз Иран, изјави денес заменик-шефот на Одделот за итни случаи во Техеран, пренесува Анадолу.

За јавниот радиодифузен сервис ИРИБ њуз Мехр Соруш изјави дека во нападите од 28 февруари досега оштетени се 18 амбулантни возила и 18 бази за итни случаи во главниот град.

Регионалните тензии ескалираа по 28 февруари кога САД и Израел започнаа заеднички напади врз Иран, при што се убиени повеќе од 1.300 луѓе, меѓу кои и врховниот лидер ајатолахот Али Хаменеи. Според иранските здравствени власти, повредени се повеќе од 10.000 луѓе.

Иран возврати со напади со ракети и беспилотни летала насочени кон Израел и арапските земји каде што се наоѓаат американски воени бази.