Во израелските воздушни напади врз Газа се убиени 18 лица, меѓу кои и деца

ИСТАНБУЛ (АА) - Најмалку 18 лица се убиени, а над 40 други беа повредени денес кога израелските воени авиони нападнаа неколку области во градот Газа и централниот дел од енклавата, изјавија медицински извори за Анадолу.

Осум Палестинци беа убиени, а 40 повредени кога израелските авиони нападнаа куќи во северозападниот дел на градот Газа.

Уште три лица, меѓу кои и две деца, беа убиени кога израелските воени авиони гаѓаа две населени куќи во населбата Ал-Дараџ во градот Газа. Десетици лица се водат како исчезнати под урнатините.

Четворица Палестинци се исто така убиени во израелски напад врз дом во населбата Ал-Сабра во јужниот дел на Појасот Газа.

Во централниот дел на Газа, во израелски воздушен напад врз дом во западниот дел на Деир ал-Балах е убиен еден брачен пар и нивната ќерка.