Во израелски напад таргетирана иранската нуклеарна централа во Исфахан, заедно со други области

АНКАРА (АА) - Израел започна напади рано утрово врз повеќе локации во покраината Исфахан, меѓу кои и клучниот нуклеарен објект во градот, заедно со области во Ленџан, Мобараке, Шахреза и округот Исфахан, објави иранската новинска агенција Фарс, пренесува Анадолу.

Заменик-гувернерот на Исфахан, Акбар Салехи, потврди дека нуклеарната централа во Исфахан била примарна цел на нападите, предизвикувајќи брз одговор од иранските системи за противвоздушна одбрана, се вели во извештајот.

Не се пријавени жртви, а властите ја уверуваат јавноста дека немало истекување на опасен материјал од нуклеарната централа или околните области.

Непријателствата избувнаа на 13 јуни кога Израел започна воздушни напади врз неколку локации низ Иран, меѓу кои и воени и нуклеарни објекти, што го натера Техеран да започне одмазднички напади.

Израелските власти соопштија дека најмалку 25 лица се убиени, а стотици се повредени во иранските ракетни напади оттогаш.

Во Иран, 639 лица се убиени, а над 1.300 се ранети во израелските напади, според извештаите на иранските медиуми.