Во израелски воздушен напад загина најмалку 31 лице во бегалскиот камп Џабалија во Газа

ГАЗА (АА) - Најмалку 31 лице загина во вчерашниот израелскиот воздушен напад врз бегалскиот камп Џабалија во северниот дел на блокираниот Појас Газа, пренесува Анадолу.

Палестинската новинска агенција ВАФА јавува дека израелските авиони бомбардирале 12 куќи во реонот на кампот каде што се наоѓа комплексот на спортскиот клуб Џабалија.

Спасувачките екипи и локалното население досега од урнатините на куќите извлекле тела на 31 загинато лице, а операцијата за пребарување и спасување продолжува.

Овој извор јавува дека во нападот има и ранети.