Во Ел Салвадор запленети 4,1 тон кокаин

Во средноамериканската земја Ел Салвадор се запленети 4,1 тон кокаин, пренесува Агенција Анадолија (АА).

Претседателот на Ел Салвадор, Најиб Букеле, соопшти дека запленетиот кокаин е во вредност од околу 104 милиони долари.

Се истакнува дека 5 граѓани на Колумбија и 2 граѓани на Еквадор се приведени во врска со случајот.

Инаку, наркотиците што се наменети за американскиот пазар првин преку воздушен или поморски пат пристигнуваат во Средна Америка, а потоа во Мексико.