Во едно италијанско село е забрането жителите серозно да се разболат

АНКАРА (АА) - Според веста што ја објави „Би-би-си“, во селото Белкастро, со популација од 1.200 жители, кое се наоѓа на 45 километри од најблиската болница, од страна на локалното раководство е издаден декрет со кој на жителите на селото им е наредено да избегнуваат болести, пренесува Анадолу.

Во декретот се наведува дека луѓето треба да се држат настрана од болести за кои е потребна итна медицинска помош, а селаните се замолуваат „да не се впуштаат во штетно однесување и да избегнуваат несреќи во домаќинството, да не излегуваат често од дома, да не патуваат или спортуваат и наместо тоа да одмораат поголем дел од времето“.

Градоначалникот Антонио Торчија за локалниот канал изјавил дека оваа уредба е издадена со цел на виделина да излезе несоодветноста на здравствениот систем.

Торчија рекол дека декретот, кој тој го опиша како „хумористична провокација“, привлекол поголемо внимание отколку итните известувања што ги испраќал до локалните власти.

Нагласувајќи дека повеќе од половината од населението во селото е на возраст над 65 години, Торчија рекол и дека е нередовна работата на дежурната лекарска ординација.

Торчија во разговорот истакнал дека „патиштата до болницата претставуваат поголем ризик од која било болест“.