Венецуелскиот претседател Мадуро го обвини ВатсАп за „шпионирање“

БОГОТА (АА) - Претседателот на Венецуела, Николас Мадуро, го обвини ВатсАп (WhatsApp) дека е шпионски систем и ги советуваше луѓето да се префрлат на други апликации, јавува Анадолу.

За време на состанокот со претставниците на секторите за риболов и земјоделство во претседателската палата Мирафлорес во Каракас, Мадуро коментираше за актуелните прашања.

„ВатсАп им ја даде листата што ја има во Венецуела на колумбиските шверцери на дрога и тие вршеа шпионска работа со месеци.“

Тој истакна дека социјалната мрежа се користела за „психолошка, когнитивна војна, закани кон милиони лидери, заедници, улични водачи, воени и полициски семејства, спортисти, уметници и сите што не се изјасниле во корист на државниот удар и насилството“.

Препорачувајќи им ги на Венецуелците ВиЧат (WeChat) и Телеграм, Мадуро ги повика луѓето доброволно да го прекинат користењето на ВатсАп и да се префрлат на други мрежи.

И покрај неправедните економски ембарга и тешкотии наметнати на Венецуела, Мадуро тврдеше дека постигнале чудотворни успеси во земјоделското производство.