Велика Британија ја одбележува Неделата на сеќавањето: Одадена почест на загинатите во сите војни

ЛОНДОН (АА) - Во знак на сеќавање на сите жртви од двете светски војни и подоцнежните судири, денес ширум Велика Британија се одбележува Неделата на сеќавањето, јавуава Anadolu Agency (AA).

Во 11 часот по локално време, ширум Велика Британија со двеминутно молчење е одадена чест на жртвите од двете светски војни, а централната манифестација се одржа покрај споменикот Кенотаф во Лондон, каде што ваквите настани се одржуваат веќе девет децении.

Во чест на жртвите од изминатите и тековните судири во светот присуствуваше државниот и воен врв на Велика Британија, а венец на споменикот Кенотаф прва положи британската кралица Елизабета Втора.

Венци положија и британската премиерка Тереза Меј, шефот на британската дипломатија, Борис Џонсон и лидерот на Лабуристичката партија, Џереми Корбин.

Оваа година комеморацијата за жртвите се совпаѓа со одбележувањето на стогодишнината од Првата светска војна.