Ванг: Кина и Туркије треба да ја зајакнат соработката за трајно решение за Палестина

ПЕКИНГ (АА) - Повторувајќи го повикот за прекин на огнот во Газа, кинескиот министер за надворешни работи Ванг Ји денес повика на „зајакнување на соработката“ со Туркије за трајно решение за Палестина, јавува Анадолу.

„Излезот од палестинскиот проблем е решението со две држави. Кина и Туркије го поддржуваат членството на Палестина во ОН“, рече Ванг на заедничката прес-конференција со неговиот турски колега Хакан Фидан во Пекинг.

Претходно денес, Ванг и Фидан одржаа билатерални разговори во кинескиот главен град.

Кинескиот министер за надворешни работи рече дека Пекинг и Анкара „треба да ги забрзаат напорите за постигнување праведно, трајно решение за палестинското прашање што е можно поскоро преку зајакнување на координацијата“.

„Кина и Туркије треба да ја зајакнат соработката, да се спротивстават на сите форми на хегемонија и политика на моќ, да го подигнат глобалното управување на правично ниво“, рече Ванг.

Фидан е во тридневна официјална посета на Кина каде што од вера имаше разговори на високо ниво со кинеските претставници.

Тој беше примен од Хан Женг, член на Политичкото биро на Централниот комитет на Комунистичката партија на Кина и потпретседател.

Хан му рекол на Фидан дека: „Кина е подготвена да работи со Туркије за целосно спроведување на важниот консензус постигнат од шефовите на државите на двете земји“.

Кинескиот потпретседател, исто така, ја изрази подготвеноста на Пекинг да „ја зајакне политичката меѓусебна доверба, да ја зајакне синергијата на развојните стратегии, да промовира висококвалитетна соработка за проектот Појас и пат, и да обезбеди меѓусебна силна поддршка во заштитата на нивните соодветни основни интереси за поттикнување на стратешката соработка меѓу двете страни до нов успех“.

По ангажманите во Пекинг, турскиот министер за надворешни работи се очекува подоцна денес да ги посети кинеските градови Урумчи и Кашгар, каде што ќе остане до среда.

Дипломатските односи меѓу Туркије и Кина беа воспоставени во 1971 година, а билатералните односи беа издигнати на ниво на „стратешка соработка“ во 2010 година.